關於女兒

本來想寫返生阿女的心路歷程的, 但一直無寫出來, 到依家阿女已經快4個月了, 當日日見住佢長大, 日日有新驚喜的時候, 入院那幾日的辛酸好像不再值一提了~

10月30日
穿水了, 即時入院.......

10月31日晚
早上10點多落催生藥, 痛了一整天, 加上老公忙上忙下的幫我暖腳及打氣, my Angel baby終於在7點35分出世了! 好唔容易才等到BB回到自己懷抱裡, 自己親手抱著貓仔咁細的BB喂母乳, 感覺真係唔知點形容, 一切都是值得的!

11月1日BB來到世上的第一天, 佢昨晚又被拿去打抗生素, 好可憐啊, 咁細個就要打針, 手仔咁細都要插條大膠管係手背方便打抗生素, 我自己插住都覺得好痛, 何況BB呢......等左好耐, 終於中午先等到BB又回到自己身邊, 心裡才定下來, 真怕BB被人換走左, 幸好阿B"bi"頭有好多油脂粒, 旁邊又有粒特大的油脂粒, 所以認得出, 咁都無咁驚!

11月3日 -
BB開始唔夠奶食, 睡個多小時就醒又大哭, 吵著要食奶, 但又無奶俾佢食, 心裡面真係好急好急, 見到人地BB有奶粉食, 但自己不知道阿B食開人奶, D姑娘會唔會俾佢食, 忍唔住開口問D姑娘, 但問左幾個, 居然無個人幫我, 個個都是旦呼顯下我就算, 最後忍唔住抱埋阿女出去護理站問, 才有個比較senior的護士教我補奶, 但係都係惡死到不得了, 編我去全個產後房最衰的床都算勒, 居然連BB無奶食都要有氣受, 那一刻真係想喊出來, 生阿女個種痛都無D一刻感覺難受!

後來有個清潔阿嬸打掃時睇見我張床咁迫, 頂唔順幫我移開D, 我個位先叫舒服返D, 真係成間醫院唯一個刻才感受到少許溫情, 到現在我都仍然想多個個清潔阿嬸!

之前見經入過一次院, 係產前房D姑娘係好好的, 好照顧體貼, 就算去到產房姑娘都好好, 真係唔明點解去到產後房咁差的, 唯有話係老公家姐俾人整蠱, 搵著我來搞啦~

11月19日晚今日老公不用返工, 但今天我們都有點緊張及擔心, 因為怕那個遺傳篩選組打電話來, 他們說若今天沒有收到電話, 即BB再驗的甲狀線素已合格, 只需等多2個星期就會收到他們的合格證明信了......幸好, 今天真的沒有收到他們的電話, 那BB即是合格了~

11月21日跟往日一樣, BB食完又訓, 訓完又食, 但今天有點特別, 就是BB今天訓覺的時候, 頭仔居然識得左右轉位, 不用跟往日一樣要幫她轉, BB又進一步了......

12月BB兩個月未夠已經有意識及動作去轉身了.....但仍未成功, 因為天氣開始凍, 她後來放棄了.......

1月原來谷奶真係好辛苦的.......仲要俾人迫resign, 心情好複雜........

2月14日BB第一個農曆新年, 逗左好多利是呢, 幫她拿個吉利存了8,888元入戶口.....

2月19日BB識得把玩具左手交右手了, 仲識得食玩具呢, 真係得意!