去胎毒

為左孕婦同BB著想, 真係唔可以有胎毒架, 以下幾種方法, 自己試過都幾好, 不過人人體質唔同, 我自己就OK, 唔知人地點了:

1. 西瓜: 西瓜清熱解毒, 去水腫, 最适合我
人人都話大肚婆一定唔可以食西瓜, 我就一定要食先得, 仲要日日食, 駝大女時就係咁日日食, 駝同生產都好順利; 現在駝第二個B, 因為搬返外家成個月無機會接觸西瓜, 終於胎毒出晒來, 成身痕到發顛, 昨晚終於忍唔住叫老公山長水遠買個西瓜返來, 三更半夜都食左先算, 瓜皮仲唔使浪費, 要來抓癢, 真係好爽~

2. 綠豆沙: 清熱, 易早產
又係我的至愛, 不過煲個時記得加陳皮中和寒涼, 有些書介紹, 最好預產期前一星期食用, 不過我就無有計了~

3. 金銀花煲水沖涼:
記得煲滾水後再煲一會, 不要溝泠水, 直接待滾水稍為涼一點, 趁熱慢慢搓揉痕癢地方, 幾有效的, 不過太頻密應用, 效果會不太顯著了, 隔日洗會好點~

4. 白蓮鬚煲雞蛋糖水: 睇書學的, 我媽都話有效的, 她以前經常煲來飲, 自己試過甘甘甜甜很易入口
白蓮鬚是蓮花的花蕊, 性平味甘, 偏涼, 有止血補腎清熱毒之效, 所以有防止生產時大量流血的作用; 傳統偏方是預產期前一個月至15天, 每周一至兩次飲用此糖水, 不過中醫師說孕婦在六個月起飲用才有清胎毒之效; 白蓮鬚在中藥店可買到, 大約5元分量便可分兩次來煲!

材料: 白蓮鬚3錢 / 雞蛋1隻 / 冰糖少許 / 水3碗
做法:
a) 白蓮鬚洗淨, 雞蛋連殼洗淨備用;
b) 3碗水同白蓮鬚雞蛋一齊大火煲滾, 放入少許冰糖後, 轉小火煲30分鐘成一碗, 即可食用!

不過以上方法都是個人偏方, 西瓜及綠豆沙都偏寒, 會令早產, 大女37週就出生, 或許是因為食太多這些東西吧, 不過大女同我駝同出世後都完全無受胎毒影響, 我自己又覺得又值得喎~