童言童行．同行

2012.Nov.13.

10月尾生了細B之後都是忙忙碌碌的, 到依家都無咩時間理大女, 但估唔到因此而多了不少笑話出來:

(1) 某日去商場食飯, 帶阿女去廁所, 俾佢見到條衛生巾, 阿女當時好疑惑咁問"媽媽流血?", 當時唔知點解釋, 唯有同佢講"媽媽生完BB, 係會流血架, 過幾日就會好返架啦~"; 某日阿妹去接她放學, 可能抱住令到佢條褲勒住屁股, 佢係咁哎痛, 我妹問佢邊度痛, 佢竟然話"patpat痛, 流血啊~"

(2) 昨日阿妹又去接阿女放學, 老師例行式問阿女爸爸媽媽去左邊啊, 佢竟然答媽媽病左, 爸爸做野...真係冤枉, 我無病啊, 我係坐緊月咋...真係唔知好嬲定好笑~可能近排坐月及湊細B唔得閒同佢玩, 又見我食藥, 以前教過佢病左就要食藥藥, 唔知係咪咁令到佢以為我病左呢~

(3) 近日天氣轉涼, 開始乾燥, 老媽子成日係度呻自己隻手鞋拾拾, 點知前幾天, 老媽子陪我去接阿女放學, 搭地鐵諗住拖實佢唔俾佢亂咁跑, 點知佢係咁甩開老媽子隻手, 仲話"婆婆鞋拾拾~", 仲走來拖我, 係都唔俾老媽子拖......