昨天一家人和另一個家庭(有一個五歲半姐姐(大安騏半年)及一歲半妹妹)出去玩,大家盡興地玩了整天,午餐也只是稍稍坐下咬個包而已…
到了傍晚時分,小朋友姐姐就開始大哎肚痛,痛得扭來扭去,大家當然忙著搽油、遞零食、討論食錯咩的時候,小朋友姐姐食左隻蕉後就無肚痛了…原來她是肚餓…於是大家決定去食晚餐…
一邊走去餐廳的時候,安騏扯了扯我衣服講:"媽媽,我真係好肚餓啊無晒力啦",我:"我地行緊去餐廳了,等陣有得食,你忍耐下堅持一陣丫",安騏哦一聲就跟著行。
去到餐廳揾到位、落單、食物上枱,已是20分鐘後,爸爸們忙著分食物,匡騏第一時間就想搶食物…大家哎完食飯,安騏匡騏已第一時間埋頭苦食,很快就添了兩三碗,飲埋湯及汽水,之後就開始玩…之前哎肚痛的小朋友姐姐就優哉游哉地慢慢食,食了半小時有多,餐廳要關門了(餐廳八點關門),父母左催右請才食完,而妹妹呢,就由媽咪把麵包撕成小塊慢慢喂飽……
其實這家庭教養很好的,小朋友乖巧有禮,但這肚餓肚痛分不清、食飯慢吞吞的程度却讓我暈倒,或許只能說是媽咪太好了,照顧得無微不置。不敢說自己小朋友很好,安騏匡騏反而是近乎粗魯無禮貌的,但却起碼保存一些天生而來的求生能力。
不過若要我再重新教養小朋友,我還是寧願選擇現在的方法,起碼有一天自己死左,也不用擔心仔女是否食得飽著得暖,因為知道他們知道自己需要,他們會想辦法去爭取。
No comments:
Post a Comment