童言童語

前幾天東華三院又籌款...
阿仔: 媽媽, 今年你捐幾多錢啊?
媽媽: 一陣你就知....今年你地賣廢紙都賺左唔少錢了, 今年你地都捐D啦,唔可以剩係識賺錢, 自己有能力都要幫下人的....
阿仔: 哦.....

阿仔阿女拿出私伙錢箱, 原來這些日子他存了三蚊七毫, 家姐存了三蚊.....

家姐: 媽媽, 我有一蚊全部都是毫子來的, 咁我捐一蚊啦...
媽媽: 好啊....
阿仔: 我都有散紙啊...我捐二毫....
媽媽: 啊, 咁少, 你有多五毫散紙喎....
阿仔: 啊....
媽媽: 唔使咁孤寒啦, 遲D咪又賺得返啦, 幫下人都好應該的, 第時你有困難人地咪又會幫返你啫....
阿仔: 咁啊.....好啦.....剩係得七毫架咋......

昨夜聽網台, 據說不少小朋友花光了積蓄, 又被家人趕出家門及經濟封鎖.....
媽媽: 不如我地今年送聖誕禮物俾D哥哥姐姐啦, 等佢地開心下....
阿仔一手拿出私伙錢箱: 好啊, 我有三蚊啊, 我地幾時去買聖誕禮物啊?

.......