童言童語

昨天, 阿女放學回家, 很興奮起問: 媽媽, 你知唔知道我個花名係咩?
媽媽: 豬仔...
阿女: 唔係...
媽媽: 妹妹...
阿女: 唔係...
媽媽: ...估唔到, 好難估...
阿女: 係泡菜啊...
媽媽: 吓...泡菜...都幾好聽的...邊個幫你改架...
阿女: XXX咯...
媽媽: 做咩要改做泡菜的?
阿女: 我鍾意食麻, 咁啱我又姓蔡...
媽媽: 又係喎...

前幾天, 兩隻小魔怪不知道又在爭執什麼, 反正是嘈了一輪後, 家姐又來投訴被細佬打到臉...爸爸同媽媽只好又走出來主持公道了...
媽媽: 細佬做咩又打人啊? 打人係唔啱架, 快D同家姐道歉吧, 鍚返家姐啦...
 ...隔了一陣, 細佬蚊聲講對唔住家姐...
爸爸附和: 係咯, 打到家姐邊度就鍚返佢邊度啦...
家姐吱一聲笑出來: 咁又唔得喎, 唔通佢打到人地便便個度, 都要鍚返人地個度咩???
爸爸忍不住笑埋一份... 

不知不覺, 阿女已經到了識改花名及講笑的年紀, 係時候整返本佢細個的童言童語集佢睇下了, 一定笑死佢...