現在的小朋友真是厲害....
昨天有事遲了接放學,於是買了一些牛油皮及酥皮蛋撻給兩隻小魔怪食。
學校門口一見到人,阿女: 媽媽,我好肚餓啊,有無野食啊....
媽媽: 有啊,蛋撻...
阿女阿仔: 好野...
媽媽: 返到屋企冲左凉洗左手先准食...
阿女阿仔: 啊...
阿女: 媽媽,D蛋撻好香啊...
媽媽: 係啊,咁你行走D,快D返到屋企,做理野就有食嗱...
阿女: 哦...
阿仔: 咁你買左幾多個啊?一人食幾個架?
媽媽: 買左8個,一人2個...
阿女: 咁D蛋撻有咩味架?
媽媽: 無分喎,得牛油皮同酥皮分咋喎...
阿女: 咩叫牛油皮,咩叫酥皮啊?
媽媽: 用牛油整的皮咪牛油皮,用酥皮整的皮咪酥皮囉...
阿女: 咁牛油皮咩味,酥皮又係咩味架?
媽媽: 返去食下你味知咩味囉...
阿女: 咁即係咩味啊?
媽媽: 咪依家你地D小朋友咁嘮叨架,成個婆仔咁,行快D返去食下就知咩味啦,唔使問咁多...
阿仔阿女: 咁即係咩味啊?
媽媽: ...牛油皮咪牛油味,酥皮咪酥味囉...再問就無得食...
阿仔阿女: 啊...好肚餓啊...
No comments:
Post a Comment