童言童語

今天阿仔早放，一邊脫校服，一邊說: 媽媽，今日馮老師幫我扣左領呔個粒鈕啊...
媽媽: 咁咪頂住曬咯...
阿仔: 係啊...
媽媽: 你同馮老師講頂住好辛苦丫嘛...
阿仔: 咁咪駁嘴咯，唔得架，小朋友唔可以駁老師嘴架，咪使佢話俾黃Sir聽，黄Sir實鬧我...
媽媽: 咁我鬧你個時，你又駁嘴...
阿仔: 有咩？
媽媽: 梗係有...
阿仔: 媽媽，我鍾意黃Sir...
媽媽: 吓...黃Sir會鬧人架噃...
阿仔: 係啊，我次次返學時同佢點完頭叫黃Sir, 佢都同我Hello...
媽媽: 咁人地叫，佢講Hello都好正常啫...
阿仔: 唔係架，佢唔係個個都Hello的，個D剩係同佢點頭個D就唔會講Hello...
媽媽: 例如呢？
阿仔: 好似家姐咪剩係點頭咯...
媽媽: 咁黃Sir都幾有禮貌喎...
阿仔: 所以我咪鍾意佢咯，我鍾意黃Sir同曾老師，不過我唔鍾意校長...
媽媽: 吓，校長噃，點解的？
阿仔: 係啊，佢鬧人鬧到好勁架...一年班個時仲叫余穎希唔好信D黑衣人添...
媽媽: 你又知佢同余穎希講...
阿仔: 我係側邊聽到咯...