童言童語

現在的小朋友真是厲害....

昨天有事遲了接放學，於是買了一些牛油皮及酥皮蛋撻給兩隻小魔怪食。
學校門口一見到人，阿女: 媽媽，我好肚餓啊，有無野食啊....
媽媽: 有啊，蛋撻...
阿女阿仔: 好野...
媽媽: 返到屋企冲左凉洗左手先准食...
阿女阿仔: 啊...
阿女: 媽媽，D蛋撻好香啊...
媽媽: 係啊，咁你行走D，快D返到屋企，做理野就有食嗱...
阿女: 哦...
阿仔: 咁你買左幾多個啊？一人食幾個架？
媽媽: 買左8個，一人2個...
阿女: 咁D蛋撻有咩味架？
媽媽: 無分喎，得牛油皮同酥皮分咋喎...
阿女: 咩叫牛油皮，咩叫酥皮啊？
媽媽: 用牛油整的皮咪牛油皮，用酥皮整的皮咪酥皮囉...
阿女: 咁牛油皮咩味，酥皮又係咩味架？
媽媽: 返去食下你味知咩味囉...
阿女: 咁即係咩味啊？
媽媽: 咪依家你地D小朋友咁嘮叨架，成個婆仔咁，行快D返去食下就知咩味啦，唔使問咁多...
阿仔阿女: 咁即係咩味啊？
媽媽: ...牛油皮咪牛油味，酥皮咪酥味囉...再問就無得食...
阿仔阿女: 啊...好肚餓啊...

童言童語

昨天, 阿女放學回家, 很興奮起問: 媽媽, 你知唔知道我個花名係咩?
媽媽: 豬仔...
阿女: 唔係...
媽媽: 妹妹...
阿女: 唔係...
媽媽: ...估唔到, 好難估...
阿女: 係泡菜啊...
媽媽: 吓...泡菜...都幾好聽的...邊個幫你改架...
阿女: XXX咯...
媽媽: 做咩要改做泡菜的?
阿女: 我鍾意食麻, 咁啱我又姓蔡...
媽媽: 又係喎...

前幾天, 兩隻小魔怪不知道又在爭執什麼, 反正是嘈了一輪後, 家姐又來投訴被細佬打到臉...爸爸同媽媽只好又走出來主持公道了...
媽媽: 細佬做咩又打人啊? 打人係唔啱架, 快D同家姐道歉吧, 鍚返家姐啦...
 ...隔了一陣, 細佬蚊聲講對唔住家姐...
爸爸附和: 係咯, 打到家姐邊度就鍚返佢邊度啦...
家姐吱一聲笑出來: 咁又唔得喎, 唔通佢打到人地便便個度, 都要鍚返人地個度咩???
爸爸忍不住笑埋一份... 

不知不覺, 阿女已經到了識改花名及講笑的年紀, 係時候整返本佢細個的童言童語集佢睇下了, 一定笑死佢...

叻沙湯麵

果然是吃不到的食物是最好吃的...上次叫了一碗叻沙湯麵，只吃了幾啖，就成碗被老公食曬了...今天趁他返工，三個小朋友自己煮了一煲來食😝😋😎

童言童語

今天, 是阿女阿仔學校的聖誕聯歡會日......

早上5點, 忽然兩個小朋友大叫"起身啦...起身啦...", 爸爸嚇得鞋也未穿就彈起床, 跑出房看看什麼事...兩個小魔怪仲係訓到豬咁...原來是兩小魔怪怕自己唔知醒整聯歡會的食物, 特地較好的鬧鐘...記得昨晚他們問過媽媽意見較幾點, 媽媽話最好五六點就起身, 費事慢麼麼整唔切...平時又唔見佢地咁聽話喎😒😒...結果都是要媽媽起床幫他們整...

 

聯歡會放學, 兩位小朋友又大包細包帶回一大袋零食, 媽媽問: D小朋友鍾唔鍾意食今早帶去的食物啊?

阿女: 唔鍾意, 得幾個小朋友食, 佢地食埋D雞翼, 魚蛋咁...老師話今日得我帶甜品...

媽媽: 咁最後有無食曬啊?

阿女: 有啊, 我同另一個同學食曬啦...

媽媽: 咁你鍾唔鍾意食啊?

阿女: 鍾意...

 

媽媽: 咁細佬呢?

阿仔: 今日我地班全部都係帶甜品, D同學都唔鍾意食D pancake...

媽媽: 咁你鍾唔鍾意食啊?

阿仔: 鍾意...不過太飽了, 好多野食, 食唔切...

媽媽: 咁最後D pancake食唔曬點處理啊? 老師係咪掉左啊?

阿仔: 唔係, 老師話自己決定...

媽媽: 哦...掉左啦?

阿仔: 我拎返放係書包...

阿女: 唔使浪費你D心血麻...

😅😂🤓😘

童言童語

近兩天有點感慨……

這兩天爸爸放假，跟以往一樣，又再一早起床忙碌為阿女阿仔張羅早餐、擺餐具/零食/水壺到書包等，今天實在忍不住，跟他吵了兩句，早餐已經整好了，餐具哪些不如等他們自己放吧…其實相同的說話以前也悄悄地跟他說了好幾次，但爸爸總以為這些事可以做是幸福的事，不忍心要他們早起，又不忍心他們掛著執拾這些小事而沒有足夠時間吃早餐…

今早真的有點生氣…我說，其實你返工時，他們是足夠時間做這些事的，我用了很多方法已經訓練到他們可以聽到鬧鐘響就自己起床、涮洗、吃早餐、收拾餐具水壼等所有事，雖然有時可能會咬著麵包出門，但這是他們自己的事，你應該要放手給他們自己做…但你一放假，所有事又改變，連起床都要你"揹""譚"才起，這對他們不是好事，你這樣是扼殺了他們學習的機會…繼續這樣，你還是不要放假好點…結果，爸爸嬲到跑回床上睡覺，晚上轉發了一篇"在一起"的信來…

信中大意是叫人珍惜和小朋友小時候相處的時光，這，我也是十分同意的，所以當初爸爸叫我放棄工作在家帶小朋友時，我是立即一口答應的，至今未曾後悔…但問題是珍惜沒有錯，但珍惜同時也是需要知所進退的呢，什麼時候要做、什麼時候多做、什麼時候不做、什麼時候少做，這都要想明白，都要分配好自己定位，究竟是要定位在事事週到的傭人姐姐，還是父親、朋友的角色？

現在這個年代，雖然物質豐盛，生活穩定，但人浮於事，自己也不知道自己什麼時候死，如有一天忽然死去，留下的錢也有用完的一天，他們到哪天才忽然發現自己什麼都不懂，不懂揾食、不懂穿衣、不懂起床…這樣，不等於讓他們陪死嗎？寵愛應有限度，珍惜亦可有多種形式，例如多點和他們聊天、玩、研究、學習知識、探索真理，他們有疑惑、困難時，一起和他們想辦法解決，陪伴、引導他們成長，長大了，他們也是願意和你一起的。

大人，想清楚了，是時候放手的時候應該要放手，不要拿著不忍心、不放心、寵愛的光環，去剝削小朋友學習基本生存能力的機會!!!

爸爸童年是在"責任共同體"的家庭裡成長，兄弟姊妹是旦一人犯錯，所有人都會一起被打駡，而且家中人數眾多、父母忙碌，小時得不到應有的關愛，心裡存在更多的是不安定，所以很早就離家獨立，長大後是極度討厭家嘈屋閉的環境…其實也明白他不想見到子女哭鬧的情境，想子女比自己小時候好…幸好經這麼年，他也慢慢懂得調適自己，希望他可更進一步放開自己…

我自己童年亦不見得好，或許更差，十多歲前記憶幾乎只是被打、對抗，其他人、事好像從没印在心中過，十歲後的記憶就是家庭暴力、言語辱罵，哪種言語力度，至今想起仍是心胸發悶，講真，街外人對我辱罵亦未及其半，所以其實潛意識是極度討厭粗言衊言的…

今天作為父母，心裡總想把最好的給子女，可能也是對自己一種彌補吧，又或是一種希望，但在自己的希冀當中，又是如何取捨呢？這是值得探討的。

童言童語

今期媽媽開出定存$30, 每月利息$2, 兩位小朋友努力點算家當中……

童言童語

未見過咁懶的學生，成個月lunch都選c餐…

童言童語

完成旅程，兩位小朋友長大了不少，嘴巴亦厲害了不少😅😅😅

回家後大家休息了兩天，亦無聊地煲了兩天劇，
細佬問: 媽媽，點解你可以睇咁耐電視的？
媽媽: D兩日休息，無野做咪睇下咯…
細佬: 咁點解可以睇咁耐的，仲要成日睇個個戲…

媽媽: 休息時間，過兩日你地返學就唔再睇啦，好睇先睇架，唔好睇都癈事浪費時間睇…

細佬: 吓，你好睇就睇，唔好睇就唔睇…咁點解我地 好食個D野就唔可以食多D，唔好食個D野又要食埋佢…

媽媽: 吓…吔…😅😅😅你舉的例子又幾貼題喎……

今天在圖書館，家姐專心看書時，

細佬又問: 媽媽，人地搵老公、老婆個D呢，係街點識架？

媽媽: 吓…😅😅😅你咁快想搵老婆啦......

阿女的理財意識

今早阿女問: 可唔可以用錢箱的錢擺入八達通度做後備$啊？

我: 可以，但你全部是銀仔，够唔够$50入架？你有無數過自己有幾多$？

女: 無啊…

我: 但你入八達通度，哩時嘟一下，個時又嘟一下，好快就嘟完咯喎…咪又要再入…咪好快用曬D$…

女: 咁又係…咁不如我攏D$係你度，得唔得啊？

我: 好啊，咁你擺$20係我度一個月，我俾返$1利息你丫，好唔好？

女: 吓…$1咋…咩叫利息啊？

我: $1好多啦，人地放幾萬蚊係銀行，一年先得幾蚊咋…利息即是銀行拿住你放入去的$去做生意，賺到$就分返少少$俾你做回報，個D就叫利息…你考慮下，$20一個月賺$1喎…

女: 媽媽，除左賣報紙，仲有咩方法賺多D$啊？

我: 都有好多的，例如……你平時多D觀察，研究下人地，睇下人地點賺$的，自然你自己也容易諗到…當然梗係要合法先做啦…

女兒的地獄料理

阿女今年暑假自己煮的地獄料理，比去年已經大有進步…爸爸都說超乎想象中好吃…

超簡單快速的晚餐

餐肉炒紅豆角，清灼支豆，煎香蔥餐肉蛋皮

魚腥草

 貪吃出事，急性肚瀉，又再出動魚腥草…BB  (上月老公腸胃炎才剪平，好不容易又長幼苗，今天又被剪平了😅)

…

D個磅實係壞左勒…佢一定係壞左架😢😢😢

只是無跑步三個月啫，居然重左5kg😢😢😢唔通真是齋飲水先可以瘦😵😵😵D個世界真是唔公平啊😭😭😭

照片要曬出來才有味道~

一次過曬兩年幾的照片……太多、太誇張了~

太陽花

弱弱的太陽花，總是屁股對著，不讓我看😑

美麗的盆栽

小小的蕃薯，想不到發芽後會這麼美…

童言童語

今早食完早餐，把昨天吃剩的少許薯片分埋給兩位小朋友，細佬左看右看，選了比較多的一份…
媽媽: 邊個快點食完，就幫我賣報紙…

細佬三扒兩步塞了兩片薯片入囗，就拿了一片給媽媽: 請你食丫…
之後又拿了一片給爸爸: D塊爸爸的…
又拿了一片給家姐: D塊家姐的…

…三兩下就分曬剩下的薯片: 媽媽，一陣我要賣報紙，我自己拿得啦，唔駛幫我架…
媽媽: 好重架喎，你拿得到嗎？
細佬: 得架

賣完…返學途中…
媽媽: 今天賺到好多錢潘，會唔會分俾媽媽爸爸架？媽媽爸爸好努力幫手存埋D報紙喎…
細佬: 咁1蚊俾媽媽，1蚊俾爸爸啦…
媽媽: 咁家姐呢？
細佬: 家姐都無幫手…

可惡的強盗

每年春天一到，可惡的強盗又來了😠，唯有出絕招😎…

去疤無痕 -自製燙傷特效 蛋黃油

蛋黃油是從雞蛋的蛋黃煎取的油, 又稱雞子油, 鳳凰油, 含有豐富的維生素A, D 和卵磷脂, 對人體皮膚的再生及代謝有重要作用, 是治療水及火燙傷的家庭自製良藥。

輕度燙傷塗上蛋黃油有清涼感, 疼痛減輕, 防止起泡, 不留燙傷痕跡; 對較重的燙傷, 在後期塗上蛋黃油, 可促使傷口早日愈合。

材料:
雞蛋4隻 /
已不用作煮食的乾淨砂鍋, 竹或木鏟各一個 /
裝蛋黃油的有蓋玻璃瓶一個(50ml左右大就可, 不用太大, 因4隻蛋只能造出不太多的蛋黃油, 另玻璃瓶需放滾水中煮過消毒, 併風乾後才可裝蛋黃油)

製法: 
1. 清水煮熟雞蛋4隻;
2. 去蛋殼及蛋白, 只留蛋黃;
3. 把全部蛋黃壓碎成粉末備用;
4. 洗乾淨及抺乾砂鍋, 竹或木的鏟各一個, 不可有水份;
5. 把蛋黃粉末直接倒入砂鍋中, 中火炒, 不用加其他任何東西, 期間需不斷用竹鏟炒動蛋黃, 令蛋黃均勻受熱;
6. 堅持炒, 初期會慢慢聞到蛋香味, 到中期, 會看到蛋黃顏色由黃色慢慢變到淺啡色, 亦開始聞到焦味;
7. 繼續炒, 一直炒, 砂鍋中冒出白煙, 且越來越大煙, 不用管, 堅持炒;
8. 堅持炒, 一直炒到蛋黃變成黑色, 然後會見到有黑色的油慢慢浸出來, 繼續炒, 差不多的時候, 就可以開始"畢"起D油了, "畢"油期間也要間中翻動蛋黃, 讓它繼續均勻受熱, 繼續出油;
9. 一直炒, 炒到差不多時, 會自然感覺到D蛋黃變得乾曬, 出的油也出不到的感覺, 而你也差不多"畢"不到油了, 最後蛋黃也變成一團黑色的糯米粉一樣粘住鏟的時候, 那就可以停火;
10. 大功告成了, 粘住鏟的糯米粉可丟掉, 砂鍋可留作下次使用, 蛋黃油拎蓋後放涼後放入雪櫃下格存放, 最長有效期可用一至兩年呢。

注: 炒完的砂鍋和鏟會全部黑曨, 不建議再作煮食用, 可留作下次製作蛋黃油用。

小編劇

剛剛執屋…居然看到這個劇本…平時看他們玩角色扮演，想不到現在連劇本都有埋…😅😜